Plan d'instrucziun 21

R.5

Lingua en il focus

Diever da la lingua

Ils scolars e las scolaras san perscrutar il diever e l'effect da lingua.

renviaments

R.5.B.1

Las scolaras ed ils scolars ...

san far experientschas cun il cumportament e las reglas durant in discurs en ina gruppa pli gronda (p.ex. midada da pledader, discurs en classa) e reflectar davart lur niz.
san far emprimas experientschas cun la diversitad linguistica en classa (p. ex. rituals da salidar, melodia da la lingua, pleds preferids).

san sa barattar davart experientschas cun differentas furmas da cumportament en discurs (p. ex. furmlas da salidar, reglas da cumportament tenor rollas ed en differentas situaziuns sco a chasa, sin plazza da pausa, discurs en classa).
san s'exprimer davart lur experientschas cun differentas linguas (p. ex. melodia da la lingua, pleds inventads).

san intercurir co che la lingua sa mida tenor adressat (p.ex. cumportament en discurs cun amis u creschids).
san cun sustegn s'occupar cun temas cumplexs da lingua (p. ex. acquisiziun da la lingua, chapibladad ed internaziunalitad da pictograms, linguas e scrittiras secretas).
san intercurir differentas linguas (p. ex. en connex cun furmlas da salidar, cun lingua tenor schlattaina, cun reglas da discurs en situaziuns cumparegliablas, cun problems da translaziuns).

san intercurir co che la lingua vegn duvrada tut tenor la situaziun (p. ex. chat plitost a bucca, preschentaziun plitost a scrit, annunzia e discurs per ina plazza fitg formal, influenza culturala).
san cun instrucziun intercurir differentas tematicas linguisticas areguard pliras linguas cun agid da dumondas (p. ex. svilup da la scrittira/ortografia, midada linguistica areguard il diever en differentas medias).
san reflectar ils avantatgs e dischavantatgs da las differentas medias (p. ex. brev versus telefonat versus SMS, artitgel da gasetta) per differentas funcziuns communicativas (p. ex. manipulaziun, dependenza tecnica, las medias sco quarta pussanza).